"Самұрық-Қазынаның" X Спартакиадасы жеңімпаздары

Самұрық-Қазына" компаниялар тобы қызметкерлері арасындағы X Спартакиаданың жеңімпаздары анықталды. Тамыздың 8 мен 10 аралығында өткен тартысты доданың қорытындысы бойынша жалпыкомандалық есепте: 

1-орынды 28 медальмен (11 алтын, 8 күміс, 9 қола) "Қазақстан темір жолы" құрамасы 

2-орынды 18 медальмен (8 алтын, 6 күміс, 4 қола) "ҚазМұнайГаз" спортшылары

3-орынды 15 медальмен (4 алтын, 5 күміс, 6 қола) "QAZAQGAZ" командасы жеңіп алды. 

Қатысушылар мен жанкүйерлерге ерекше көңіл-күй сыйлаған ауқымды спорт мерекесі Жұмысшы мамандықтар жылына орай ұйымдастырылды. Оған еліміздің түкпір-түкпірінен келген 1000-нан астам спорт сүйер жұмыскерлер қатысты. Олардың басым бөлігі - өндірістік қызметкерлер.

Сонымен қатар Спартакиада аясында «Мейірімділік мекені» атты қайырымдылық жәрмеңкесі өтті. Онда инклюзия кабинеттерінде оқитын балалар салған суреттермен безендірілген свитшоттар, шопперлер және футболкалар сатылды. Одан өзге 15 естелік брелок дайындалды.

Нәтижесінде балалардың үлесімен әзірленген ерекше тауарлар 1,2 млн теңге қаражат жинады. Барлық қаражат Топтың бірыңғай қайырымдылық операторы – «Samruk-Kazyna Trust» шотына аударылып, инклюзияны қолдау кабинеттерін ашуға жұмсалады.